រដ្ឋបាលខេត្តបន្ទាយមានជ័យ ប្រជុំទប់ស្កាត់ការធ្វើផ្នូរឬម៉ុងសព នៅជើងភ្នំស្វាយ
15-August-2018 | ដោយ ពលមនសិការ
បន្ទាយមានជ័យ៖ ដើម្បីថែរក្សាការពារនិងធ្វើឲ្យមានសណ្តាប់ធ្នាប់ របៀបរៀបរយ ក្នុងទីប្រជុំជន នាក្រុងសិរីសោ ភ័ណ ឲ្យកាន់តែមានសម្រស់ស្រស់ស្អាតនោះ និងសោភ័ណភាពកាន់តែស្អាតល្អ ដើម្បីជាការទាក់ទាញភ្ញៀវជាតិ-អន្តរជាតិ ដែលធ្វើដំណើរឆ្លងកាត់ភូមិសាស្ត្រ ក្រុងសិរីសោភ័ណ ខេត្តបន្ទាយមានជ័យ។ នៅថ្ងៃទី១៤ខែសីហាឆ្នាំ២០១៨ នៅសាលាខេត្តបន្ទាយមានជ័យ បានបើកកិច្ចប្រជុំបន្ទាន់មួយ លើបញ្ហាប្រឈមមួយចំនួន ដែលប្រជាពលរដ្ឋជាច្រើននាក់ បានធ្វើការតវ៉ានិងស្នើសុំគោលការណ៍ពីថ្នាក់ដឹកនាំខេត្ត ដែល ប្រជាពលរដ្ឋមួយចំនួនតូច បាននឹងកំពុងសាងសង់ផ្នូឬម៉ុងកប់សពនៅជើងភ្នំស្វាយជាច្រើននាបច្ចុប្បន្ននេះ និងបានបោះបង្គោលត្រៀមនឹងបន្តការសាងសង់ថែមទៀត ដែលធ្វើឲ្យបាត់បង់នូវសោភ័ណភាពលើភ្នំស្វាយនិងភ្នំនានា ក្នុងក្រុងសិរីសោភ័ណនេះ។
ក្នុងកិច្ចប្រជុំនេះក៏មានកានិមន្តចូលរួមពីព្រះតេជគុណ អស់លោក លោកស្រី ដោយមានសង្ឈដីកា និងការផ្តល់យោបល់ល្អ ក្នុងការពិភាក្សាគ្នា ក្នុងក៏បានធ្វើការ គាំទ្រដល់ប្រជាពលរដ្ឋ ដែលបានដាក់ពាក្សបណ្តឹងតាវ៉ា មិនឲ្យមានការសាងសង់ផ្ណូ ម៉ុងឬចេតីយ៍នៅលើជើងភ្នំស្វាយតទៅទៀតនោះទេ។
ជាមួយគ្នានោះដែរ លោកលី សារី អភិបាលរងខេត្តបន្ទាយមានជ័យ បានអំពាវនាវដល់បងប្អូនប្រជាពលរដ្ឋ ដែលរស់នៅក្នុងភូមិ សង្កាត់ ក្នុងក្រុងសិរីសោភ័ណ ក្នុងក៏បានដាក់វិធានការយ៉ាងម៉ឺងម៉ាត់ដល់អាជ្ញាធរ និងសមត្ថកិច្ចពាក់ព័ន្ធ ត្រូវចូលរួមទប់ស្កាត់ក្នុងការសាងសង់ផ្នូរ ម៉ុងឬចេតីយ៍ តាមជើងភ្នំឬចង្កេះភ្នំ ដែលមានវត្តអារាមនៅទីនោះ។ ដើម្បីថែរក្សាការពារបរិស្ថានភ្ណំឲ្យបានល្អ បង្កើនសោភ័ណភាព ប្រ កបដោយទិន្នន័យភាពពណ៌បៃតងស្រស់បំព្រង និងកាត់បន្ថយការសាងសង់ផ្នូរឬម៉ុងសព ដែលធ្វើឲ្យប៉ះពាល់ដល់ជើងភ្នំដែលរម្មណីយដ្ឋាន សម្រាប់ភ្ញៀវទេសចរណ៍ជាតិ-អន្តរជាតិ ទស្សនាកំសាន្ត។
លោកអភិបាលរងខេត្តបានបន្តទៀតថា៖អ្វីដែលមានហើយត្រូវរក្សាទុកសិននិងហាមមិនឲ្យបន្តការសាងសង់សំណង់ផ្សេងៗ នៅនឹងជើងភ្នំជាដាច់ខាត ក្នុងនោះមន្ទីរធម្មការនិងសាសនាត្រូវស្រង់ស្ថិតិចេតីយ៍ ផ្នូនិងម៉ុងឲ្យបានគ្រប់ជ្រុងជ្រោយនៅក្នុងខេត្ត។ មន្ទីរធម្មការនិងសាសនា ត្រូវធ្វើលិខិតសុំគោលការណ៍ ទៅក្រសួងធម្មការនិងសាសនាជាបន្ទាន់ ហើយមន្ទីរត្រូវធ្វើការប្រជុំផ្សព្វផ្សាយឲ្យបានទូលំទូលាយ ពិសេសសប្រជាពលរដ្ឋទូទៅ។ ចំណែកមន្ទីររ៉ែនិងថាមពលខេត្ត ត្រូវបង្កើតគណៈកម្មាការមួយជាបន្ទាន់ ដើម្បីចុះត្រួតពិនិត្យលើបញ្ហាដែលប្រឈមទាំងនេះ៕
ចំនួនអ្នកទស្សនា
- ថ្ងៃនេះ5821
- ម្សិលមិញ16391
- សប្តាហ៍នេះ52051
- ខែនេះ167201
- ឆ្នាំនេះ167201
- សរុប20609657